Bul bazalt tasy – mıneraldyq maqtanyń shıkizaty. Ázirge temir jol arqyly Reseıden tasymaldanyp jatyr. Bolashaqta elimizde ken ornyn ashý josparda bar. Osylaısha, atalmysh kásiporyn 100 prosent otandyq ónim shyǵarady. Zaýytta ónimdiligi joǵary ıtalııandyq qondyrǵylar ornatylǵan. Domna peshinde 1600 gradýsqa deıingi joǵary temperatýrada bazalt tasy eritilip, keıin arnaıy qosyndylar arqyly ónim daıyndalady.
–Aldymen shıkizatty býnkerge toltyramyz. Sosyn eritkish peshten ótkizip, oǵan jelim, ylǵal ótkizbeıtin materıaldar sııaqty qosyndylardy aralastyramyz. Qalyńdyǵy men tyǵyzdyǵyn qajettiligine oraı belgilep, arnaıy qondyrǵylardyń kómegimen mıneraldy maqta daıyndalady. Osyǵan deıin Samara qalasynda jumys istedim, tájirıbem sol kezde qalyptasqan. Qazir óz bilgenimdi úıretip jatyrmyn,–deıdi seh bastyǵy Anton Lavrentev.
Qurylysy qarqyndy damyp jatqan Elorda osy kúnge deıin jylý saqtaǵysh materıaldardy Reseıden tasymaldap keldi. Endi qurylysqa qajetti zat irgedegi Bulandyda daıyndalady. Ilgeride tapshylyqtyń kesirinen qurylys materıaldarynyń 80 prosenti shet elden jetkiziletin. Qaıta óńdeý ónerkásibin jandardyrýdyń arqasynda bul salada otandyq ónimniń salmaǵy arta túspek.
–Joba quny 8 mıllıard teńge shamasynda. «Báıterek Výencher Fand» aksıonerlik qoǵamynyń qoldaýymen zaýyt tolyqtaı iske qosyldy. О́nimge degen suranys joǵary. Qazir qurylys materıaldaryn Qyrǵyzstan men О́zbekstanǵa da jóneltip jatyrmyz. Jumysqa 150 adam jumyldyrylǵan. Tórt aýysym jasaqtaldy,–deıdi zaýyttyń bas dırektory Qanatbek Sadyqov.
Bolashaqta óndiris aımaǵynda sendvıch-panel men gaz bloktaryn shyǵarý da josparlanýda.
Bulandy aýdany
Aqmola obylsy
